«Челси»нинг собиқ футболчиси Қозоғистон клубига ўтди

Нигерия терма жамоаси ва “Челси” клубининг собиқ ярим ҳимоячиси Виктор Мозес расман Қозоғистоннинг “Қайсар” жамоаси билан шартнома имзолади. Бу ҳақда клуб матбуот хизмати хабар берди.

“Виктор Мозес ўз фаолияти давомида бир қатор Европа гигантлари сафида майдонга тушган ва юқори маҳорати билан танилган. Унинг “Қайсар”га ўтиши жамоанинг келгуси мавсумдаги мақсадларини амалга оширишда муҳим омил сифатида баҳоланмоқда”, - дейилади клуб расмий баёнотида.

Маълумот учун, Виктор Мозес фаолияти давомида “Кристал Пэлас”, “Уиган Атлетик”, “Ливерпуль”, “Сток Сити” ва “Вест Хэм”, Туркиянинг “Фенербаҳче”, Италиянинг “Интер” ва Россиянинг “Спартак” жамоаларида ўйнаган.

Розикжон Султонмуродов

Журналист