«Челси» Жесси Дерри билан шартномани узайтирди
Янги келишув 2032 йилнинг 30 июнига қадар амал қилади.
ФОТО: Getty images
«Челси» яримҳимоячи Жесси Дерри билан шартнома узайтирилганини расман эълон қилди. Бу ҳақда Лондон клуби матбуот хизмати хабар берди.
Янги келишувга кўра, ёш футболчининг шартномаси 2032 йилнинг 30 июнига қадар амал қилади.
«Фаолиятимни «Челси» каби буюк клуб билан боғлаш — ушалган орзу. Мени олдинда нималар кутаётганидан жуда ҳаяжондаман. Сўнгги 12 ой ичида «Челси»га илк келган пайтимдагидан мутлақо бошқа футболчига айландим. Бунда бирга ишлаган барча мураббийларнинг ҳиссаси катта. Ўтган мавсум асосий жамоада дебют қилганимдан сўнг фаолиятимни бошқа жойда давом эттиришни тасаввур ҳам қила олмайман», — деди Дерри.
Эслатиб ўтамиз, Жесси Дерри 2025 йилнинг ёзида «Кристал Пэлас»дан «Челси» сафига келиб қўшилган.
