\"Челси\" Жексон бўйича бир қарорга келди
Фото: Getty Images
Лондоннинг “Челси” клуби ҳужумчи Николас Жексон бўйича бир қарорга келди.
The Athletic хабарига кўра, "Челси" гарчи у сўнгги бир неча ой ичида унчалик яхши формада бўлмаган бўлса ҳам, ҳамон сенегаллик ҳужумчининг салоҳиятига ишонмоқда ва уни қўйиб юбормоқчи эмас.
Унга “Арсенал” ва “Ювентус” жамоалари томонидан таклиф келган. Бироқ клуб уни сақлаб қолмоқчи.
Жексон 2023 йилда "Челси" футболчисига айланди. Жорий мавсумда 24 ёшли форвард барча мусобақаларда 36 та учрашувда майдонга тушиб, 13 та гол урди ва олтита ассистни ўз ҳисобига ёздириб қўйди. Transfermarkt портали маълумотларига кўра, Жексоннинг нархи 50 миллион еврони ташкил этади.
Розикжон Султонмуродов
Журналист