“Челси” ва яна тўрт АПЛ клуби “Бенфика” иқтидорига қизиқмоқда
“Бенфика”нинг аргентиналик вингери Жанлука Престианни фаолиятини Англия Премьер-лигасида давом эттириши мумкин. TEAMtalk маълумотига кўра, 20 ёшли футболчига “Челси” жиддий қизиқиш билдирмоқда.
Лондон клубидан ташқари, Престианни “Тоттенҳэм”, “Манчестер Юнайтед”, “Ньюкасл” ва “Брайтон”нинг ҳам радаraига тушган. Ҳозирча клублар футболчи бўйича расмий таклиф юбормаган ва аниқ музокаралар бошланмаган.
Аргентиналик вингер жорий мавсумни жуда яхши бошлади. “Бенфика” сафида барча мусобақаларда 12 та учрашувда майдонга тушган Престианни 8 та гол уриб, 3 та голли узатмани амалга оширди. Португалия клуби футболчига Англиядан ортиб бораётган қизиқиш фонида унинг шартномасини узайтиришни режалаштирмоқда.
Маълумот учун, Престианни 2006 йил 31 январда Аргентинада туғилган. У “Велес Сарсфилд” академияси тарбияланувчиси бўлиб, 16 ёшидаёқ клуб асосий жамоасида дебют қилган. Кейинчалик “Бенфика” сафига қўшилган футболчи Transfermarkt томонидан 40 миллион еврога баҳоланмоқда.
