“Челси” ва “Манчестер Юнайтед” “Барселона” ярим ҳимоячисига қизиқмоқда
“Барселона”нинг 19 ёшли ярим ҳимоячиси Марк Бернал фаолиятини Англия Премьер-лигасида давом эттириши мумкин. Футболчига “Челси” ва “Манчестер Юнайтед” клублари қизиқиш билдирмоқда. Ҳозирча курашда Лондон клуби асосий фаворит сифатида кўрсатилмоқда.
“Челси” Бернални ёзда “Манчестер Сити”га ўтган Энсо Фернандеснинг узоқ муддатли ўринбосари сифатида кўриб чиқмоқда. Лондонликлар ёш футболчининг техникаси, тўп билан ишлаши ва таянч ярим ҳимоясида ўйнай олиш қобилиятини юқори баҳоламоқда.
Бернал жорий мавсумда “Барселона” сафида Ла Лига ва Чемпионлар Лигасида жами 5 та учрашувда майдонга тушиб, 1 та голли узатма амалга оширди. У Ла Лигадаги дастлабки учта учрашувни асосий таркибда бошлаган.
Маълумот учун, Марк Бернал “Барселона” академияси тарбияланувчиси ҳисобланади. У 2024-йилда 17 ёшида асосий жамоада дебют қилган. 2025-йилда футболчи клуб билан 2029-йилгача мўлжалланган шартнома имзолаган.
