“Chelsi” va “Manchester Yunayted” “Barselona” yarim himoyachisiga qiziqmoqda
“Barselona”ning 19 yoshli yarim himoyachisi Mark Bernal faoliyatini Angliya Premyer-ligasida davom ettirishi mumkin. Futbolchiga “Chelsi” va “Manchester Yunayted” klublari qiziqish bildirmoqda. Hozircha kurashda London klubi asosiy favorit sifatida ko‘rsatilmoqda.
“Chelsi” Bernalni yozda “Manchester Siti”ga o‘tgan Enso Fernandesning uzoq muddatli o‘rinbosari sifatida ko‘rib chiqmoqda. Londonliklar yosh futbolchining texnikasi, to‘p bilan ishlashi va tayanch yarim himoyasida o‘ynay olish qobiliyatini yuqori baholamoqda.
Bernal joriy mavsumda “Barselona” safida La Liga va Chempionlar Ligasida jami 5 ta uchrashuvda maydonga tushib, 1 ta golli uzatma amalga oshirdi. U La Ligadagi dastlabki uchta uchrashuvni asosiy tarkibda boshlagan.
Ma’lumot uchun, Mark Bernal “Barselona” akademiyasi tarbiyalanuvchisi hisoblanadi. U 2024-yilda 17 yoshida asosiy jamoada debyut qilgan. 2025-yilda futbolchi klub bilan 2029-yilgacha mo‘ljallangan shartnoma imzolagan.
