«Челси» ва «Ливерпул» «Ноттингем» ҳимоячисига қизиқиш билдирмоқда
«Челси» ва «Ливерпул» клублари «Ноттингем Форест» ҳимоячиси Муриллога қизиқиш билдирмоқда, деб хабар беради TEAMtalk.
Футболчининг яқинлари трансфер бўйича потенциал вариантларни фаол кўриб чиқмоқда. «Ливерпул» ва «Челси» эса Муриллони ўз сафларига жалб қилиш бўйича энг жиддий ишларга киришган.
«Челси»нинг ўйинчига бўлган қизиқиши ёзги трансфер ойнасида учта ҳимоячининг сотилиши эҳтимоли билан боғлиқ. «Ливерпул»да эса Ибраима Конате ва Жозеф Гомеснинг келажаги борасида ноаниқлик мавжуд.
Жорий мавсумда Мурилло барча турнирлар доирасида 25 та ўйинда иштирок этиб, битта гол муаллифига айланган. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt портали маълумотларига кўра, ўйинчининг бозор қиймати 55 миллион еврони ташкил этади.
