«Chelsi» va «Liverpul» «Nottingem» himoyachisiga qiziqish bildirmoqda
«Chelsi» va «Liverpul» klublari «Nottingem Forest» himoyachisi Murilloga qiziqish bildirmoqda, deya xabar beradi TEAMtalk.
Futbolchining yaqinlari transfer bo‘yicha potensial variantlarni faol ko‘rib chiqmoqda. «Liverpul» va «Chelsi» esa Murilloni o‘z safiga jalb qilish bo‘yicha eng jiddiy ishlarni amalga oshirdi.
«Chelsi»ning o‘yinchiga bo‘lgan qiziqishi yozgi transfer oynasida uchta himoyachining sotilishi ehtimoli bilan bog‘liq. «Liverpul»da esa Ibraima Konate va Jozef Gomesning kelajagi borasida noaniqlik mavjud.
Joriy mavsumda Murillo barcha turnirlar doirasida 25 ta o‘yinda ishtirok etib, bitta gol muallifiga aylandi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portali ma’lumotlariga ko‘ra, o‘yinchining bozor qiymati 55 million yevroni tashkil etadi.
