«Челси» ва «Бавария» Менян билан шартнома имзоламоқчи
Франциялик дарвозабоннинг «Милан» билан тузган шартномаси келаси ёзда якунга етади.
ФОТО: Getty Images
Франция миллий жамоаси ва «Милан» клуби дарвозабони Мик Менян қишки трансферлар вақтида жамоасини ўзгартириши мумкин. Бу ҳақда La Gazzette dello Sport нашри хабар бермоқда.
Манбага кўра, посбонга «Челси» ва «Бавария» қизиқиш билдирар экан ва ҳар икки жамоа ҳам январ ойида музокараларни бошлашни режалаштирмоқда. Меняннинг «Милан» билан тузган амалдаги шартномаси 2026 йилнинг ёзида якунга етади.
Қайд этилишича, «россонерилар» раҳбариятида футболчининг клубда қолишига ишонч камайган, шу сабаб спорт директори Игли Таре франциялик дарвозабон учун потенциал ўринбосар қидира бошлаган.
Маълумот учун, Менян жорий мавсум барча турнирларда 12 та ўйинда майдонга тушиб, 9 та гол ўтказиб юборди ва 4 та ўйинда дарвозаси дахлсизлигини сақлаб қолди.
Насрулло Каримов
Журналист
