«Chelsi» va «Bavariya» Menyan bilan shartnoma imzolamoqchi
Fransiya milliy jamoasi va «Milan» klubi darvozaboni Mik Menyan qishki transferlar vaqtida jamoasini o'zgartirishi mumkin. Bu haqda La Gazzette dello Sport nashri xabar bermoqda.
Manbaga koʻra, posbonga «Chelsi» va «Bavariya» qiziqish bildirmoqda va har ikki jamoa ham yanvar oyida muzokaralarni boshlashni rejalashtirmoqda. Menyanning «Milan» bilan tuzgan amaldagi shartnomasi 2026 yilning yozida yakuniga yetadi.
Qayd etilishicha, «rossonerilar» rahbariyatida futbolchining klubda qolishiga ishonch kamaygan, shu sabab sport direktori Igli Tare fransiyalik darvozabon uchun potensial oʻrinbosar qidira boshlagan.
Maʼlumot uchun, Menyan joriy mavsum barcha turnirlarda 12 ta oʻyinda maydonga tushib, 9 ta gol oʻtkazib yubordi va 4 ta oʻyinda darvozasi daxlsizligini saqlab qoldi.
