«Челси» ва «Барселона» Йилдизни диққат билан кузатмоқда

“Челси” клуби “Ювентус” ҳужумчиси Кенан Йилдиз бўйича таклиф тайёрламоқда. Бу ҳақда La Gazzetta dello Sport нашри хабар берди.

Манбада келтирилишича, лондонликлар 20 ёшли футболчини ёзги трансфер ойнаси вақтида ҳам қўлга киритишга уриниб кўрган, бироқ номаълум сабабларга кўра келишув амалга ошмаган.

Клуб қишда яна Йилдиз бўйича музокаларни тиклаш ниятида. Шу билан бирга, “Барселона” ҳам футболчининг ҳолатини диққат билан кузатмоқда.

Европанинг топ жамоаларидан таклифлар бўлишига қарамай, “Ювентус” футболчини жамоада сақлаб қолиш ҳаракатини бошлаган.

Кенаннинг туринликлар билан шартномаси 2029 йилнинг ёзигача амал қилади. Transfermarkt порталига футболчининг қийматини 75 миллион еврога баҳоламоқда.

Розикжон Султонмуродов

Журналист