«Челси» ва «Атлетико» АПЛнинг қиймати 93 млн евро бўлган ҳужумчига даъвогарлик қилмоқда — ESPN
Икки клуб ҳужумчини ёзги трансферлар ойнасида қўлга киритиш имкониятини ўрганмоқда.
ФОТО: Getty images
Лондоннинг “Челси” ва Мадриднинг “Атлетико” клублари Англиянинг “Брентфорд” жамоаси форварди Игор Тиаго билан шартнома имзолашга қизиқиш билдирмоқда. Бу ҳақда ESPN’нинг Бразилия нашри хабар бермоқда. Манбага кўра, икки клуб ҳужумчини ёзги трансферлар ойнасида қўлга киритиш имкониятини ўрганмоқда.
Манбанинг хабар беришича, “Брентфорд” ўз футболчиси учун 80 миллион фунт стерлинг (тахминан 92,8 миллион евро) сўрамоқда.
Игор Тиаго 22 та гол билан Англия Премьер-лигасининг иккинчи тўпурари бўлиб турибди ва фақат “Манчестер Сити” ҳужумчиси Эрлинг Холанддан (24 гол) орқада қолмоқда. 2024 йилнинг ёзида “Брентфорд” бразилияликнинг трансфери учун Бельгиянинг “Брюгге”сига 33 миллион евро тўлаган эди.
Розикжон Султонмуродов
Журналист