«Челси» сўнгги 10 йилликда 11-марта мамлакат кубоги яримфиналига чиқди
Кеча, 16 декабрь куни Лондоннинг «Челси» клуби Англия Лига кубоги 1/4 финалида «Кардифф Сити»ни 3:1 ҳисобида мағлуб этди. Ушбу ғалаба орқали клуб сўнгги 10 мавсум ичида мамлакат кубок мусобақаларида 11-марта ярим финал босқичига чиқди. Бу ҳақда Squawka хабар бермоқда.
2016/2017 йилги мавсумдан буён «Челси» олти марта Англия Кубоги, беш марта эса АПЛ Кубоги яримфиналига йўл олди. Охирги 10 яримфиналдан саккизтасида жамоа финалгача етиб борган, бироқ атиги бир бор — 2017/2018-йилги мавсумда Англия Кубогини қўлга киритган.
«Челси»нинг АПЛ Кубоги яримфина-лидаги рақиби бугун, 17 декабрь куни «Манчестер Сити» ва «Брентфорд» ўртасидаги учрашувдан сўнг аниқланади. Турнирнинг амалдаги ғолиби «Ньюкасл Юнайтед» бўлиб, у финалда «Ливерпул»ни 2:1 ҳисобида мағлуб этган.
