«Челси» «Ренн» ҳимоячиси Жереми Жаке билан келишувга эришди
20 ёшли футболчи АПЛга кўчиб ўтишга тайёр.
ФОТО: Getty Images
Лондоннинг «Челси» клуби «Ренн» ҳимоячиси Жереми Жаке билан шахсий шартнома шартларини келишиб олди. Бу ҳақда журналист Фабрицио Романо маълум қилди.
Манбага кўра, 20 ёшли футболчи АПЛ клуби сафида ўйнашга тайёр, аммо музокаралар давом этмоқда. «Ренн» француз футболчиси учун 65 млн евро талаб қилмоқда.
Жереми Жаке клуб тарбияланувчиси ҳисобланади. Жорий мавсумда у Франция чемпионатида 16 та ўйинда майдонга тушди ва ҳар бирига асосий таркибда қатнашди. Transfermarkt маълумотига кўра, футболчининг бозор қиймати 20 млн еврони ташкил этади.
Насрулло Каримов
Журналист