“Челси” Ренату Вейгани ортга қайтармоқчи
23 ёшли футболчи 2024/25-йилги мавсумда “Челси” сафида 18 та учрашувда майдонга тушган.
Фото: Getty Images
“Челси” “Вильярреал” сафида тўп тепаётган Португалия терма жамоаси ҳимоячиси Ренату Вейгани қайтаришни кўриб чиқмоқда. Бу ҳақда Topskills Sports UK хабар берди.
23 ёшли футболчи 2024/25-йилги мавсумда “Челси” сафида 18 та учрашувда майдонга тушган. 2025-йилнинг ёзида эса Лондон клуби Вейгани 24,5 миллион евро эвазига “Вильярреал”га сотганди.
Вейга жорий мавсум барча турнирларда 8 та учрашувда қатнашиб, бир бор голли узатма амалга оширди. Португалиялик ҳимоячининг “Вильярреал” билан амалдаги шартномаси 2032-йил ёзигача мўлжалланган.
Маълумот учун, Transfermarkt Вейганинг ҳозирги трансфер қийматини 30 миллион еврога баҳоламоқда. “Челси” унинг трансферидан атиги бир йил ўтиб футболчини қайтариш имкониятини кўриб чиқмоқда.
