\"Челси\" Пеп Чаваррияни фақат битта шарт билан сотиб олади
Лондонинг "Челси" клуби "Райо Валекано" ҳимоячиси Пеп Чаваррия трансфери устида ишламоқда. Бироқ инглизлар ушбу битимни амалга ошириш учун муҳим шарт бажарилишини кутмоқда.
Маълумотларга кўра, "Челси" Чаваррияни фақат Марк Кукурелла жамоани тарк этган тақдирда сотиб олади. Клуб испаниялик ҳимоячини айнан Кукурелланинг ўрнини босадиган асосий номзод сифатида кўрмоқда.
Хабар қилинишича, Хаби Алонсо 28 ёшли чап қанот ҳимоячисининг трансферига шахсан қизиқиш билдирмоқда. Футболчининг ўзи ҳам Премьер-лигага кўчиб ўтишга қарши эмас, бироқ "Райо Валекано" уни фақат молиявий талаблар тўлиқ бажарилган тақдирдагина қўйиб юборишга тайёр.
Шу боис, Пеп Чаварриянинг "Челси"га ўтиши аввал Марк Кукурелланинг келажагига боғлиқ бўлиб қолмоқда. Агар испаниялик ҳимоячи Лондон клубини тарк этса, "кўклар" Чаваррия трансферига оид расмий ҳаракатларни тезлаштириши кутилмоқда.
