\"Chelsi\" Pep Chavarriyani faqat bitta shart bilan sotib oladi
Londonning "Chelsi" klubi "Rayo Valyekano" himoyachisi Pep Chavarriya transferi ustida ishlamoqda. Biroq inglizlar ushbu bitimni amalga oshirish uchun muhim shart bajarilishini kutmoqda.
Ma'lumotlarga ko‘ra, "Chelsi" Chavarriyani faqat Mark Kukurella jamoani tark etgan taqdirda sotib oladi. Klub ispaniyalik himoyachini aynan Kukurellaning o‘rnini bosadigan asosiy nomzod sifatida ko‘rmoqda.
Xabar qilinishicha, Xabi Alonso 28 yoshli chap qanot himoyachisining transferiga shaxsan qiziqish bildirmoqda. Futbolchining o‘zi ham Premyer-ligaga ko‘chib o‘tishga qarshi emas, biroq "Rayo Valyekano" uni faqat moliyaviy talablar to‘liq bajarilgan taqdirdagina qo‘yib yuborishga tayyor.
Shu bois, Pep Chavarriyaning "Chelsi"ga o‘tishi avvalo Mark Kukurellaning kelajagiga bog‘liq bo‘lib qolmoqda. Agar ispaniyalik himoyachi London klubini tark etsa, "ko‘klar" Chavarriya transferini yakunlash uchun rasmiy harakatlarni tezlashtirishi kutilmoqda.
