«Челси» Павлович учун 65 миллион евро таклиф қилишга тайёр

«Бавария» ярим ҳимоячиси Александр Павлович «Челси» клуби эътиборини тортди. Бу ҳақда Caught Offside нашри хабар берди.

Манбага кўра, «кўклар» ярим ҳимоячининг эҳтимолий трансфери бўйича «Бавария»га мурожаат қилишга тайёр.

Бунинг учун Лондон клуби футболчининг ўтиши учун 65 миллион евро тўлашга рози. Томонлар ўртасида музокаралар тез орада бошланади.

Маълумот учун, Александр Павлович «Бавария» клуби тарбияланувчиси ҳисобланади. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи мюнхенликлар сафида барча турнирларда 32 та ўйинда майдонга тушиб, 3 та гол урди ва битта голли узатмани амалга оширди.

Розикжон Султонмуродов

Журналист