«Chelsi» Pavlovich uchun 65 million yevro taklif qilishga tayyor

"Bavariya" yarim himoyachisi Aleksandr Pavlovich "Chelsi" klubining e'tiborini tortdi. Bu haqda Caught Offside nashri xabar berdi.

Manbaga ko‘ra, "ko‘klar" yarim himoyachining ehtimoliy transferi bo‘yicha "Bavariya"ga murojaat qilishga tayyor.

Buning uchun London klubi futbolchining o‘tishi uchun 65 million yevro to‘lashga rozi. Tomonlar o‘rtasida muzokaralar tez orada boshlanadi.

Ma'lumot uchun, Aleksandr Pavlovich "Bavariya" klubi tarbiyalanuvchisi hisoblanadi. Uning amaldagi shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi myunxenliklar safida barcha turnirlarda 32 ta o‘yinda maydonga tushib, 3 ta gol urdi va bitta golli uzatmani amalga oshirdi.

Roziqjon Sultonmurodov

Jurnalist