«Челси» Палмернинг тезроқ тикланиши учун унга махсус бутсалар тайёрланди
Лондоннинг «Челси» клуби яримҳимоячи Коул Палмернинг жароҳатидан тезроқ тикланиши учун махсус чоралар кўрди.
The Telegraph нашрининг хабар беришича, футболчи учун уникал ўйин бутсаси тайёрланган, унинг мақсади майдонга тезроқ қайтишини таъминлашдир.
Яримҳимоячининг оёқ бармоғида жароҳат чоршанба куни кечқурун содир бўлган. Палмер ўз уйида кичик бармоғини шикастлаб олган ва натижада майда ёриқ аниқланган.
Манбага кўра, клуб футболчининг тикланиш жараёнини тезлаштириш устида фаол ишламоқда. Унинг учун тайёрланган бутса шундай махсус ишлаб чиқилганки, жароҳатланган бармоққа тушадиган юкни максимал даражада камайтиради. Бу чора ҳаракатлар ва машғулотлар вақтида қулайликни таъминлаш ҳамда жароҳатнинг оғирлашишини олдини олишга қаратилган.
Кутилишича, ушбу индивидуал бутсадан фойдаланиш футболчининг келаси ҳафтада майдонга қайтишига имкон беради.
