«Челси» Мареска борасида бир қарорга келган
ФОТО: Getty images
"Челси" бош мураббийи Энцо Мареска ҳозирча истеъфога чиқарилмайди. Бу ҳақда журналист Метт Лоу хабар берди.
Манбага кўра, клуб раҳбарияти мураббийга тўлиқ ишонади ва уни қўллаб-қувватлайди.
Италиялик мутахассис қўл остида “аристократлар” охирги ҳафта ичида "Бавария", "Манчестер Юнайтед" ва "Брайтон"дан мағлубиятга учради. Лига Кубогида эса фақат "Линкольн Сити"ни мағлуб эта олди.
Қайд этилишича, Маресканинг олдида Премьер-лиганинг жорий мавсумида жамоа билан тўртликда якунлаш вазифаси турибди. Олти турдан сўнг "Челси" 8 очко билан саккизинчи ўринда бормоқда.
Розикжон Султонмуродов
Журналист
