«Челси» клублар ўртасидаги Жаҳон чемпионати олдидан ҳужумчи харид қилмоқчи
ФОТО: Getty Images
Лондоннинг «Челси» клуби «Брайтон»нинг 23 ёшли ҳужумчиси Жоау Педрони клублар ўртасидаги Жаҳон чемпионати бошланишидан олдин ўз сафига қўшиб олмоқчи. Бу ҳақда Globo нашри хабар бермоқда.
Манбага кўра, «аристократлар» аллақачон музокараларга киришишга ва бразилиялик футболчи учун «Брайтон»га 60 миллион евро таклиф қилишга тайёр.
Маълумот учун, Педро жорий мавсум барча турнирларда 30 та ўйинда майдонга тушиб, 10 та гол урди ва 7 та голли узатмани амалга оширди. Унинг Transfermarkt’даги нархи 50 миллион еврога баҳоланмоқда.
Насрулло Каримов
Журналист
