«Челси» Камавинга трансфери бўйича «Реал» билан боғланди
Трансфер юзасидан якуний қарор эса футболчининг ўзига боғлиқ бўлади.
ФОТО: Getty images
Лондоннинг «Челси» клуби «Реал» ярим ҳимоячиси Эдуарду Камавинга трансфери бўйича мадридликлар билан алоқага чиққан. Бу ҳақда El Nacional нашри хабар берди.
Манба маълумотига кўра, 23 ёшли француз футболчисини «Челси» бош мураббийи Хаби Алонсо ўз жамоасида кўришни истамоқда.
Transfermarkt Камавинганинг бозор қийматини 50 миллион евро деб баҳоламоқда. Шу билан бирга, «Реал» футболчини камида 80 миллион евро эвазига қўйиб юбориш имкониятини кўриб чиқишга тайёр. Трансфер юзасидан якуний қарор эса футболчининг ўзига боғлиқ бўлади.
2025/2026 йилги мавсумда Камавинга барча мусобақаларда 43 та учрашувда майдонга тушиб, 2 та гол ва 1 та голли узатма муаллифи бўлди. Унинг «Реал» билан амалдаги шартномаси 2029 йил 30 июнга қадар мўлжалланган.
Розикжон Султонмуродов
Журналист