«Челси» футболчиси А Серия клубига йўл олиши мумкин
Фото: Getty Images
"Челси" ярим ҳимоячиси Кэрни Чуквуемеку фаолиятини А Серияда давом эттириши мумкин. Бу хақда журналист Николо Скира хабар берди.
Манбага кўра, ярим ҳимоячига “Ювентус” жиддий қизиқиш билдирмоқда. “Зебралар” футболчини сотиб олиш шарти билан бир йилга ижарага олишни режа қилган.
Лондон клуби эса Чуквуемекуни ижарага беришни хоҳламаяпти. Клуб аксинча уни сотиб юборишни хоҳламоқда.
Шунга қарамай, “Ювентус” ва “Челси” ўртасида музокаралар давом этмоқда.
Аввалроқ, Кэрни Чуквуемекуни "Боруссия" 20 миллион еврога сотиб олиш шарти билан ижарага олмоқчи эди.
Розикжон Султонмуродов
Журналист