«Челси» Энсо Фернандес билан янги шартнома имзоламоқчи
Лондоннинг «Челси» клуби марказий яримҳимоячи Энсо Фернандес билан амалдаги келишув шартларини қайта кўриб чиқишга ва унга яхшилашган шартнома таклиф қилишга тайёрланмоқда. Бу ҳақда журналист Вероника Брунати хабар бермоқда.
Музокараларда қисқа танаффус юзага келганига қарамай, «аристократлар» аргентиналик юлдуз билан ҳамкорликни узайтириш фикридан қайтмаган. Шу билан бирга, Европанинг бир қатор топ-клублари футболчига жиддий қизиқиш билдиришда давом этмоқда. «Челси» маълум шартлар асосида футболчини сотиш вариантини ҳам истисно этмайди.
Аввалроқ футболчининг агенти Хавьер Пасторе клуб билан янги шартнома масаласини муҳокама қилгани, бироқ таклиф этилган шартлар маъқул келмагани сабабли жараён вақтинча тўхтатилганини маълум қилган эди. Томонлар мулоқотга 2026 йилги Жаҳон чемпионатидан сўнг қайтиши кутилмоқда.
Эслатиб ўтамиз, Энсо Фернандес яқинда берган интервьюсида Мадридни Буэнос-Айресга ўхшаш гўзал шаҳар эканлигини ва у ерда яшашни исташини таъкидлаган эди. Ушбу баёнотдан сўнг «Челси» бош мураббийи Лиам Розеньор футболчини интизомий чора сифатида жамоанинг яқиндаги иккита ўйинидан четлатишга қарор қилди.
