«Челси» «Атлетико» яримҳимоячисига қизиқиш билдирмоқда
«Матрасчилар» ушбу трансфердан 100 миллион евро фойда кўриши мумкин.
ФОТО: Getty Images
Лондоннинг «Челси» клуби «Атлетико» яримҳимоячиси Пабло Барриосга қизиқиш билдирмоқда. Бу ҳақда Caught Offside нашри хабар берди.
Манбага кўра, инглиз клуби аллақачон 22 ёшли футболчи бўйича расмий сўров юборган. У «Атлетико» таркибида муҳим ўрин эгаллайди ва «Челси» уни келажакдаги трансфер ойналарида сотиб олиш имкониятини кўриб чиқмоқда.
Жорий мавсумда Пабло Барриос 15 та ўйинда майдонга тушиб, битта гол урди. Таъкидланишича, «Атлетико» ўз марказий яримҳимоячиси учун 100 миллион евро талаб қилиши мумкин.
Transfermarkt порталига кўра, Барриоснинг бозор қиймати 55 миллион еврони ташкил этади.
Насрулло Каримов
Журналист
