“Челси” 100 миллион евроға ҳужумчи сотиб олмоқчи

Туриннинг “Ювентус” клуби ҳужумчиси Кенан Йилдиз фаолиятини Англия Премьер-лигасида давом эттириши мумкин. Бу ҳақда Deadlinedaylive нашри хабар бермоқда.

Манбага кўра, туркиялик футболчига Лондоннинг “Челси” клуби қизиқиш билдирмоқда. “Аристократлар” 19 ёшли ҳужумчи учун 100 миллион евро тўлашга тайёр.

Маълумот учун, Кенан жорий мавсум А Серияда 33 та ўйинда майдонга тушиб, 6 та гол урди ва 2 та голли узатмани амалга оширди. Унинг туринликлар билан тузган амалдаги шартномаси 2029 йилнинг ёзига қадар амал қилади.

Насрулло Каримов

Журналист