«Бёрнли» Дубравканинг трансферини эълон қилди
Фото: Getty Images
Мартин Дубравка "Ньюкасл"дан "Бёрнли"га ўтди. Бу ҳақда клуб расмий сайти хабар берди.
Қайд этилишиа, 36 ёшли дарвозабон янги клуби билан бир йиллик шартнома имзолади ва у ерда биринчи рақам остида ўйнайдиган бўлди.
Словакиялик посбон "Ньюкасл" сафида 2018 йилнинг январидан буён тўп тепиб келаётганди ва у ерда 179 та ўйинда майдонга тушган.
Футболчи Словакия терма жамоаси сафида ҳам 50 дан ортиқ ўйин ўтказган.
Аввалроқ “Бёрнли” посбони Жеймс Траффорд “Манчестер Сити”га йўл олганди.
Баҳром Бобонов
Редактор