«Бёрнли» ҳам Чемпионшипга равона бўлди
«Бёрнли» Англия юқори дивизионини тарк этди. Бу Премьер-лиганинг 34-турида жамоанинг «Манчестер Сити»га имкониятни бой беришидан (0:1) сўнг маълум бўлди.
Скотт Паркер шогирдлари Премьер-лигада қолиш имкониятини бутунлай йўқотишди. Турнир якунланишига тўрт тур қолган бир вазиятда жамоа лигада жон сақлаб қолиш имконини берувчи 17-поғонадан 13 очко орқада қолмоқда. Демак, «Бёрнли» қолган ўйинларда максимал 12 очко жамғариши мумкин, холос.
Аввалроқ «Вулверхэмптон» ҳам Англия Премьер-лигасида қолиш имкониятидан маҳрум бўлган эди.
Шу тариқа, «Бёрнли» юқори лигага чиққанидан бир йил ўтиб, яна Чемпионшипка қайтадиган бўлди.
Англия чемпионатида «Манчестер Сити» 70 очко билан пешқадамлик қилмоқда. Иккинчи ўринда бораётган «Арсенал» ҳисобида ҳам 70 очко мавжуд.
