«Byornli» ham Chempionship'ga ravona boʻldi
«Byornli» Angliya yuqori divizionini tark etdi. Bu Premyer-liganing 34-turida jamoaning «Manchester Siti»ga imkoniyatni boy berishidan (0:1) so‘ng ma’lum bo‘ldi.
Skott Parker shogirdlari Premyer-ligada qolish imkoniyatini butunlay yo‘qotishdi. Turnir yakunlanishiga to‘rt tur qolgan bir vaziyatda jamoa ligada jon saqlab qolish imkonini beruvchi 17-pog‘onadan 13 ochko ortda qolmoqda. Demak, «Byornli» qolgan o‘yinlarda maksimal 12 ochko jamg‘arishi mumkin, xolos.
Avvalroq «Vulverxempton» ham Angliya Premyer-ligasida qolish imkoniyatidan mahrum bo‘lgan edi.
Shu tariqa, «Byornli» yuqori ligaga chiqqanidan bir yil o‘tib, yana Chempionshipga qaytadigan bo‘ldi.
Angliya chempionatida «Manchester Siti» 70 ochko bilan peshqadamlik qilmoqda. Ikkinchi o‘rinda borayotgan «Arsenal» hisobida ham 70 ochko mavjud.
