«Бунёдкор» назорат учрашувида ОКМК билан дуранг қайд этди
Икки гол баҳс тақдири ҳал қилди
Фото: Бунёдкор ПФК
ФИФА кунларидан унумли фойдаланишга ҳаракат қилаётган “Бунёдкор” назорат учрашувида майдонга тушди.
ОКМКга қарши саф тортган “қалдирғочлар” голли дурангга имзо чекди. Тўрт бўлимдан иборат бўлган баҳсда ҳисобни Носиржон Абдусаломов очди.
Ҳужумларни кўпайтирган вакилларимиз пеналти тепиш имкониятига эга бўлишди, бироқ Матия Кривокапич 11 метрлик нуқтада ўз ҳисобига гол ёзиб қўя олмади. Аксинча учрашув якунланишига саноқли дақиқалар қолганида рақиб ҳисобни тенглаштирди – 1:1.
Назорат учрашуви
БУНЁДКОР – ОКМК – 1:1
Голлар: Носиржон Абдусаломов – Али Абдураҳмонов.
Розикжон Султонмуродов
Журналист
