“Бухоро” жамоаси стадионига VAR техникаси ўрнатилди, “Андижон” жамоаси стадионида эса VAR техникасини жойлаштириш ишлари олиб борилмоқда
“Бухоро” жамоаси стадионига VAR техникаси ўрнатилди, “Андижон” жамоаси стадионида эса VAR техникасини жойлаштириш ишлари олиб борилмоқда.
Президентнинг 262-сонли қарори ижросини таъминлаш ҳамда футбол учрашувларини юқори савияда ташкил этиш мақсадида мамлакатимиз стадионларида марказлашган VAR тизимидан фойдаланиш учун махсус техникаларни ўрнатиш ишлари жадал давом этмоқда.
Айни пайтда “Бухоро” клубининг уй стадионига VAR техникаларини жойлаштириш ишлари тўлиқ якунланди. Режага мувофиқ, “Андижон” жамоасининг уй стадионида VAR техникасини ўрнатиш ва созлаш ишлари амалга оширилмоқда.
Шунингдек, “Сўғдиёна” клуби стадиони ҳам босқичма-босқич ушбу тизим билан жиҳозланади.
Мазкур саъй-ҳаракатлар ҳакамлик қарорларининг ҳаққонийлигини таъминлаш, шунингдек, ўзбек футболи халқаро стандартларга мувофиқлигини оширишга хизмат қилади.
