«Бухоро» Александр Хомяков билан янги шартнома имзолади
«Бухоро» клуби бош мураббий Александр Хомяков билан ҳамкорлик давом эттиришга қарор қилди.
Томонлар ўртасида икки йиллик янги шартнома имзоланди. Ушбу қарор клуб раҳбарияти томонидан жамоанинг барқарор ривожи, узоқ муддатли режалари ҳамда профессионал ёндашувни сақлаб қолиш мақсадида қабул қилинди.
"Александр Андреевич ўз фаолияти давомида жамоада интизом, бирлик ва рақобатбардош муҳитни шакллантирди. Унинг тажрибаси, замонавий футболга бўлган қарашлари ҳамда масъулиятли ёндашуви клуб олдига қўйилган вазифаларни амалга оширишда муҳим омил бўлиб хизмат қилади. Клуб раҳбарияти бош мураббийга билдирилаётган ишонч тўлиқ эканини таъкидлайди ва келгуси мавсумларда жамоа олдига юқори мақсадлар қўйилганини маълум қилади", — дейилади клуб тарқатган хабарда.
