Бугун бундан роппа-роса 12 йил аввал Месси ва Аргентина ЖЧ финалида Германияга мағлуб бўлганди
Бугун, 13-июль куни бундан роппа-роса 12 йил аввал Бразилияда бўлиб ўтган 2014-йилги FIFA Жаҳон чемпионати финалида Аргентина терма жамоаси Германияга 0:1 ҳисобида мағлуб бўлганди. Учрашувнинг ягона голини қўшимча бўлимнинг 113-дақиқасида Марио Гётзе киритган эди.
Ўша финал Лионель Месси фаолиятидаги энг оғриқли мағлубиятлардан бири сифатида тарихда қолди. Аргентина учрашув давомида бир неча қулай имкониятларга эга бўлган бўлса-да, улардан фойдалана олмади. Мағлубиятдан сўнг Месси турнирнинг энг яхши футболчисига бериладиган "Олтин тўп" совринини қўлга киритган, бирок унинг ўзи бу мукофот мағлубият аламини енгиб ўта олмаслигини таъкидлаган.
Орадан саккиз йил ўтиб, 2022-йилда Қатарда ўтказилган Жаҳон чемпионатида Лионель Месси орзусига эришди. Аргентина финалда Францияни пенальтилар сериясида мағлуб этиб, 36 йиллик танаффусдан сўнг учинчи бор жаҳон чемпионига айланди. Месси эса фаолиятидаги энг катта совринни қўлга киритди.