Буффоннинг ўғли А Серияда дебют қилди

Италия терма жамоаси ва “Ювентус”нинг афсонавий дарвозабони Жанлуижи Буффоннинг ўғли Луи Томас Буффон А Серияда дебютини ўтказди.

17 ёшли Луи Буффон “Пиза” сафида “Болонья”га қарши А Сериянинг 6-тур баҳсида майдонга тушди.

Бу ўйинда лига дебютанти 4:0 ҳисобида мағлуб бўлди. Ёш футболчи 77-дақиқада М'Бала Нзола ўрнига баҳсга қўшилди.

Шу тариқа Италия чемпионатидаги илк учрашувини ўтказди.

Эслатиб ўтамиз, Буффон фаолияти давомида “Парма”, “Ювентус”, “ПСЖ” жамоаларида ўйнаган. ЖЧ-2006 ғолиби бўлган.

Розикжон Султонмуродов

Журналист

0 0 0 0 0 0