«Будё-Глимт» Чемпионлар Лигаси тарихида кетма-кет олтита ўйинда бир хил бошланғич таркибни майдонга туширган илк клубга айланди
Норвегиянинг «Будё-Глимт» жамоаси УЕФА Чемпионлар Лигаси тарихида кетма-кет олтита ўйинда бир хил бошланғич таркибни майдонга туширган илк клубга айланди ва ўзига хос рекорд ўрнатди.
Гарчи лиссабонликлар иккинчи баҳсда 5:0 ҳисобида ғалаба қозониб, норвегияликларнинг чорак финал ҳақидаги орзуларини чиппакка чиқарган бўлса-да, «Будё-Глимт»нинг ушбу мавсумдаги юриши Европа футболи мухлислари ёдида қоладиган бўлди. Жамоа умумий босқичда ҳам сенсацион натижалар қайд этди:
- Ўз майдонида «Манчестер Сити» устидан 3:1 ҳисобида ғалаба қозонди.
- Сафар ўйинида Мадриднинг «Атлетико» жамоасини 2:1 ҳисобида мағлуб этди.
- Плей-офф босқичида эса Италия гранди «Интер»ни икки ўйин натижасига кўра 5:2 ҳисобида мусобақадан чиқариб юборди.
Эътиборли жиҳати шундаки, жамоа асосий таркибидаги 11 нафар футболчининг 9 нафари норвегияликлардир. Дарвозани эса Россия фуқароси бўлган Никита Хайкин қўриқламоқда.
Эслатиб ўтамиз, Чемпионлар Лигасининг амалдаги ғолиби Франциянинг «ПСЖ» клуби ҳисобланади. Парижликлар 2025 йилги финалда «Интер»ни 5:0 ҳисобида мағлуб этиб, ўз тарихларида илк бор ушбу нуфузли совринни қўлга киритишган эди.
Жорий мавсумнинг финал учрашуви 2026 йил 30 май куни Будапештдаги «Пушкаш Арена»да бўлиб ўтади.
