«Бу Месси, у ёлғиз ўзи шоу яратади» — Рангник
Австрия устози Аргентина билан ўйиндан сўнг фикр билдирди.
ФОТО: Getty images
Австрия терма жамоаси бош мураббийи Ральф Рангник жаҳон чемпионатининг J гуруҳи 2-турида Аргентина терма жамоасидан учралган (0:2) мағлубиятга изоҳ берди.
Бу ўйинда Лионель Месси дубль қайд этди.
«Биз 39 ёшли футболчининг бир ўйинда икки марта гол ура олганини, аввалги ўйинда эса хет-трик қайд этганини кўрдик. У ёлғиз ўзи шоу яратади, қолганлардан мутлақо бошқа даражада ўйнайди. Бу Лео Месси-ку — унга иккита гол уриб, учрашув тақдирини ҳал қилиш учун унчалик кўп вазиятлар ҳам керак эмас», — деди Рангник матбуот анжуманида.
2-турдан сўнг Аргентина терма жамоаси олти очко жамғариб, J гуруҳи турнир жадвалида пешқадамлик қилмоқда. Австрия миллий жамоаси уч очко билан иккинчи поғонада бормоқда.