«Bu Messi, u yolg'iz o‘zi shou qiladi» — Rangnik

Avstriya terma jamoasi bosh murabbiyi Ralf Rangnik jahon chempionatining J guruhi 2-turida Argentina terma jamoasidan uchralgan (0:2) mag‘lubiyatga izoh berdi.

Bu o‘yinda Lionel Messi dubl qayd etdi.

“Biz 39 yoshli futbolchining bir o‘yinda ikki marta gol ura olganini, oldingi o‘yinda esa xet-trik qayd etganini ko‘rdik. U yolg‘iz o‘zi shou qiladi, qolganlardan mutlaqo boshqa darajada o‘ynaydi. Bu Leo Messi-ku — unga ikkita gol urib, uchrashuv taqdirini hal qilish uchun unchalik ko‘p vaziyatlar ham kerak emas”, — dedi Rangnik matbuot anjumanida.

2-turdan so‘ng Argentina terma jamoasi olti ochko jamg‘arib, J guruhi turnir jadvalida peshqadamlik qilmoqda. Avstriya milliy jamoasi uch ochko bilan ikkinchi pog‘onada bormoqda.

Roziqjon Sultonmurodov

Jurnalist

0 0 0 0 0 0