Бреннан Жонсон — «Кристал Пэлас» футболчиси (Романо)
«Тоттенҳам» келишув учун 38,5 млн евро олади.
ФОТО: Getty Images
Англиянинг «Кристал Пэлас» клуби «Тоттенҳам» яримҳимоячиси Бреннан Жонсон трансферини якунлаш арафасида. Бу ҳақда машҳур журналист Фабрицио Романо X ижтимоий тармоғида хабар берди.
«Келишув футболчи билан тўлиқ тасдиқланди, шахсий шартнома шартлари келишиб олинди. «Тоттенҳам» 33,5 млн фунт стерлинг (38,5 млн евро) олади, ҳозирда тиббий кўрикнинг биринчи босқичи ўтказилмоқда. «Кристал Пэлас» узоқ муддатли лойиҳа учун муҳим трансферни амалга оширмоқда», — деб ёзди Романо.
Жорий мавсум Англия Премьер-лигасида 24 ёшли Бреннан Жонсон 16 та учрашувда майдонга тушиб, 2 та гол муаллифига айланган. Шунингдек, у Чемпионлар лигасида 4 та ўйинда қатнашиб, 1 та гол урган.
Насрулло Каримов
Журналист