Бразилия Карло Анчелоттига 2030 йилги жаҳон чемпионатигача шартнома таклиф қилмоқда
Бразилия терма жамоаси Карло Анчелоттига 2030 йилги жаҳон чемпионатигача мўлжалланган шартнома таклиф қилмоқда. Аввалроқ мадридлик “Реал” бош мураббийи Бразилия футбол конфедерацияси (CBF) билан терма жамоа устози лавозими бўйича келишувга яқин экани хабар қилинган эди. Шунингдек, италиялик мутахассис клублар ўртасидаги жаҳон чемпионатидан олдин Бразилияга қўшилиши мумкинлиги маълум қилинган.
CBF Анчелоттига 2030 йилгача шартнома таклиф қилишга тайёр. Бу қарор Бразилия терма жамоаси 2002 йилдан бери жаҳон чемпионлигини қўлга кирита олмагани ва сўнгги беш ўйинда ғалаба қозонмагани билан боғлиқ.
Конфедерация Анчелоттининг жаҳон чемпионатлари — 2026 ва 2030 йиллардаги тажрибасига суянишни мақсад қилган. Бразилияда Винисиус Жуниор, Родриго, Эндрич (ҳаммаси “Реал” футболчилари) ва “Барселона” ҳужумчиси Рафиня каби истеъдодли футболчилар билан яна катта ютуқларга эришиш мумкинлигига ишонч бор. CBF эса бу мақсадга етишиш учун тажрибали мутахассис билан ҳамкорликни энг тўғри стратегия деб ҳисобламоқда.
