Бразилия Анчелоттига янги шартнома таклиф қилмоқда
Янги келишув 2030 йилга қадар амал қилади.
ФОТО: Getty images
Бразилия терма жамоаси бош мураббийи Карло Анчелотти янги шартнома имзолаши мумкин. Бу ҳақда Globo Esporte нашри хабар берди.
Манбага кўра, Бразилия футбол конфедерацияси раҳбарлари италиялик мутахассиснинг фаолиятидан ҳайратда қолган. Гарчи у июнь ойида терма жамоани қабул қилиб олган бўлишига қарамай, яхши ишлаётгани айтилмоқда.
Янги келишув 2030 йилги жаҳон чемпионати якунига қадар мўлжалланган. Мундиал олдидан битим узайтирилиши мумкин
Эслатиб ўтамиз, Карло Анчелотти Бразилия терма жамоасига тайинланишидан олдин 4 йил давомида Мадриднинг "Реал" клубини бошқарган.
Розикжон Султонмуродов
Журналист