Бразилия Анчелоттига терма жамоани бошқариш бўйича қарор қабул қилиш учун охирги муддатни белгилади
Расм: gettyimages.com Карло Анчелотти
Бразилия футбол конфедерацияси (CBF) Карло Анчелоттидан мамлакат терма жамоасини бошқаришга тайёрми ёки йўқлиги ҳақида жавоб олиш учун охирги муддатни белгилади. Маълумотларга кўра, италиялик мутахассиснинг жавобини Чемпионлар лигаси финалигача кутишмоқда - «Реал» иштирок этамайдиган бўлса ҳам.
CBF 31 майгача Анчелоттининг қарорини билишни хоҳламоқда, чунки июн ойида Жанубий Америка саралаш ўйинлари бошланади - Бразилия Эквадор ва Парагвайга қарши майдонга тушади.
Хабарларга кўра, Бразилия термаси Анчелоттига «Реал»даги маошидан юқорироқ маош таклиф қилмоқда. Шу билан бирга, Анчелотти яқинда матбуотга CBF унга ҳали мурожаат қилмаганини айтган. Италиялик мураббийнинг амалдаги шартномаси яна бир йилга мўлжалланган.
Бакрадзе Иман
Редактор