Брахим Диас Африка Миллатлар Кубоги тарихига кирди
Марокаш терма жамоаси ва Мадриднинг «Реал» клуби ҳужумкор яримҳимоячиси Брахим Диас Африка Миллатлар Кубоги тарихига кирди. 26 ёшли футболчи турнирнинг финал босқичида кетма-кет бешта учрашувда гол урган илк футболчига айланди.
2026 йилги Африка Миллатлар Кубогида Диас марокашликларнинг барча ўйинларида ўз номини таблога ёздириб қўйди. У гуруҳ босқичида Комор ороллари (2:0), Мали (1:1) ва Замбия (3:0) дарвозаларига биттадан гол урди. Шунингдек, 1/8 финалда Танзания билан баҳсда (1:0) ғалаба голини киритди, чорак финалда эса Камерун дарвозасини икки бор ишғол этди (2:0). Ушбу серия Марокаш терма жамоасининг яримфиналга чиқишида муҳим роль ўйнади. Энди жамоа финал йўлланмаси учун Жазоир — Нигерия жуфтлиги ғолибига қарши майдонга тушади.
Маълумот учун, Брахим Диас Испанияда туғилган, Испаниянинг ёшлар терма жамоаларида тўп сурган ҳамда миллий терма жамоа сафида ўртоқлик учрашувларида иштирок этган. Бироқ 2024 йилда у спорт фуқаролигини ўзгартириб, отаси томонидан марокашлик илдизларга эга бўлгани сабаб Марокаш терма жамоасини танлаган.
