Боржеш: «Чорак финалда фаворит йўқ»
Лиссабоннинг «Спортинг» клуби бош мураббийи Руй Боржеш Европа Чемпионлар Лигаси чорак финали доирасида Лондоннинг «Арсенал» жамоасига қарши кечадиган дастлабки учрашув олдидан ўз фикрлари билан ўртоқлашди.
Руй Боржеш жамоасининг орзуларини амалга ошириш ва клуб тарихини ёзишда давом этиш ниятида эканини таъкидлади. Унинг фикрича, стадиондаги муҳит ва мухлисларнинг қўллаб-қувватлаши унутилмас оқшомни ташкил этишда ҳамда улкан натижага эришишда жуда муҳим роль ўйнайди.
Мураббий мазкур босқичда икки кучли жамоа тўқнаш келаётганини ва Европа Чемпионлар Лигасининг бундай юқори даражасида яққол фаворитлар мавжуд эмаслигини алоҳида қайд этди.
Эслатиб ўтамиз, УЕФА Чемпионлар Лигасининг 2025/2026 йилги мавсуми финал учрашуви 30 май куни Будапештдаги «Ференс Пушкаш» стадионида бўлиб ўтиши белгиланган.
