«Борнмут»нинг 19 ёшли ҳужумчиси Европа грандлари эътиборига тушди
«Борнмут» клубининг 19 ёшли ҳужумчиси Эли Крупи Европанинг бир қатор топ-клублари эътиборига тушди. Бу ҳақда машҳур журналист ва инсайдер Фабрицио Романо хабар бермоқда.
Манбанинг берган маълумотларига кўра, «Арсенал», «Манчестер Сити» ва «Пари Сен-Жермен» клублари футболчининг майдондаги ҳаракатларини фаол кузатиб бормоқда. Шунингдек, жорий йилнинг апрель ойида Мюнхеннинг «Бавария» клуби ҳам ёш ҳужумчига қизиқиш билдира бошлаган. Ҳозирда футболчини сотиб олишни кўзлаётган даъвогарлар «вишнялар» («Борнмут») раҳбарияти ҳужумчи учун қанча нарх белгилашини кутмоқда.
Маълумот учун, якунланган мавсумда Эли Крупи «Борнмут» сафида барча турнирларда 35 та ўйинда майдонга тушиб, 13 та гол уришга эришди. Transfermarkt портали ўйинчининг айни пайтдаги бозор қийматини 40 миллион евро деб баҳолаган. Футболчининг клуб билан амалдаги меҳнат шартномаси 2030 йилнинг ёзигача мўлжалланган.
