«Борнмут» Крупини 70 млн евро эвазига қўйиб юборишга тайёр
Унинг шартномаси 2030 йил 30 июнгача амал қилади.
ФОТО: Getty images
«Борнмут» форварди Эли Крупи 2026 йил ёзида клубни тарк этиши мумкин. Бу ҳақда Football Insider хабар берди.
Манбага кўра, инглиз клуби 19 ёшли франциялик футболчини тахминан 70 миллион евро эвазига сотишга тайёр. Футболчига айниқса «Манчестер Юнайтед» катта қизиқиш билдирмоқда. Аввалроқ унга «Ливерпул», «Арсенал» ва «Челси» ҳам даъвогарлик қилгани айтилган эди.
Жорий мавсумда Крупи 30 та баҳсда 10 гол урган. У «Борнмут» сафида 2025 йил февралидан буён тўп тепмоқда ва унинг шартномаси 2030 йил 30 июнгача амал қилади.
Розикжон Султонмуродов
Журналист