Бобб «Фулхэм»га ўтиши мумкин
Лондон клуби норвегиялик футболчи бўйича таклиф юборган.
ФОТО: Getty images
“Манчестер Сити” вингери Оскар Бобб трансфер ойнаси вақтида жамоасини ўзгартириши мумкин.
Инсайдер Фабрицио Романонинг хабар тарқатишича, лондонликлар 22 ёшли футболчи учун 35 миллион фунтга яқин маблағ таклиф қилишган.
Шунингдек, норвегиялик футболчининг хизматига Дортмунднинг "Боруссия" клуби ҳам қизиқиш билдирмоқда. Тез орада немис клуби таклиф билан чиқиш ёки чиқмаслик борасида бир қарорга келади. “Кристал Пэлас” ҳам унинг атрофидаги вазиятни диққат билан кузатмоқда.
Бобб жорий мавсум АПЛда 9 та ўйинда майдонга тушди ва 1 та голли узатмани амалга оширди.
Розикжон Султонмуродов
Журналист