Bobb «Fulxem»ga o'tishi mumkin
London klubi norvegiyalik futbolchi bo'yicha taklif yuborgan.
ФОТО: Getty images
“Manchester Siti” vingeri Oskar Bobb transfer oynasi vaqtida jamoasini o'zgartirishi mumkin.
Insayder Fabritsio Romanoning xabar tarqatishicha, londonliklar 22 yoshli futbolchi uchun 35 million funtga yaqin mablag' taklif qilishgan.
Shuningdek, norvegiyalik futbolchining xizmatiga Dortmundning "Borussiya" klubi ham qiziqish bildirmoqda. Tez orada nemis klubi taklif bilan chiqish yoki chiqmaslik borasida bir qarorga keladi. “Kristal Pelas” ham uning atrofidagi vaziyatni diqqat bilan kuzatmoqda.
Bobb joriy mavsum APLda 9 ta o'yinda maydonga tushdi va 1 ta golli uzatmani amalga oshirdi.
Roziqjon Sultonmurodov
Jurnalist