«Бирмингем Сити» клуби 12 та минорали стадион қуришини эълон қилди
Мазкур арена 62 минг мухлисни ўз бағрига сиғдира олади.
ФОТО: Getty Images
Англиянинг «Бирмингем Сити» клуби янги стадион қуриш бўйича режаларини эълон қилди.
Лойиҳага кўра, янги арена 62 минг томошабинга мўлжалланган бўлиб, унинг қурилиш қиймати 2,5 миллиард фунт стерлингни ташкил этади.
Стадион дизайнининг асосий ўзига хос жиҳати — 12 та миноро бўлади. Улар тутун чиқариш моʻрилари кўринишида бўлиб, Бирмингем минтақасининг саноат тарихига рамзий ишора сифатида тасаввур қилинмоқда.
ОАВ маълумотларига кўра, янги арена 2030 йилгача фойдаланишга топширилиши режалаштирилган.
Ҳозирда «Бирмингем Сити» Чемпионшипда иштирок этмоқда ва Англия футболи иккинчи дивизионида 11-ўринда бормоқда.
Насрулло Каримов
Журналист