Бергвалл ёзда «Тоттенҳэм»ни тарк этмоқчи
Унинг амалдаги шартномаси 2031 йилнинг июн ойига қадар мўлжалланган.
ФОТО: Getty images
«Тоттенҳэм» яримҳимоячиси Лукас Бергвалл ёзги трансфер ойнасида клубни тарк этишни режалаштирмоқда.
20 ёшли швециялик футболчи клуб раҳбариятига жамоани ўзгартириш истагини маълум қилган. Унга Англия ва Европанинг бошқа мамлакатларидан бир қатор клублар қизиқиш билдирмоқда.
Бергвалл 2024 йилда «Юргорден»дан «Тоттенҳэм» сафига келиб қўшилган ва унинг амалдаги шартномаси 2031 йилнинг июн ойига қадар мўлжалланган.
Шунингдек, «Тоттенҳэм»нинг яримҳимоя чизиғини кучайтириш режалари ҳам футболчининг кетиш эҳтимолини оширмоқда. Лондон клуби ушбу позиция учун янги футболчилар трансферини кўриб чиқмоқда.
Розикжон Султонмуродов
Журналист